У гэтым навучальным годзе ў Дзіцячай бібліятэцы працуе клуб юных аматараў этнаграфіі «ЭтнаЎсё пра Беларусь». Чарговая сустрэча была прысвечана беларускай вясковай хаце. Дзеці даведаліся, што такое штандар, прызба, трам. Убачылі на слайдах, скляпеністую і плоскую столь, даведаліся пра разнастайныя формы стрэх, чым адрозніваецца ганак ад веранды. Цікавай падалася інфармацыя пра упрыгожанні  франтонаў, вокнаў, вуглоў хаты вільчыкамі, ліштвай, узорнай шалёўкай і разьбай. Пабывалі дзеці таксама ў сенцах, каморы, халодным пакоі, на гары. Даведаліся, як абагравалася і асвятлялася хата, якой мэбляй карысталіся нашы продкі. Цікава было ўбачыць мастацкае афармленне інтэр’еру: посцілкі, дываны, абрусы, палавікі. Сустрэча абагаціла дзяцей не толькі ведамі па этнаграфіі, але і значна папоўніла іх слоўнікавы запас, што таксама вельмі важна.