21 лютага, у Міжнародны дзень роднай мовы, у Дзіцячай бібліятэцы  пад дэвізам “ Не саромся, беларус, гаварыць па-свойму!” прайшла акцыя “Мова родная – мова модная”. У гэты дзень супрацоўнікі бібліятэкі, а па магчымасці, і наведвальнікі размаўлялі на роднай мове, мелі магчымасць прачытаць любімыя радкі з вершаў беларускіх паэтаў. Усе ўдзельнікі акцыі атрымалі на памяць флаеры, а вучні старэйшых класаў – інфармацыйныя лістоўкі-падказкі з правіламі сучаснай беларускай арфаграфіі.