15 студзеня спаўняецца 80 гадоў з часу ўтварэння Віцебскай вобласці. Да гэтай знамянальнай даты аддзел бібліятэчнага маркетынгу падрыхтаваў пазл-акцыю “Мая Віцебшчына”. Сутнасць акцыі ў наступным: з рознакаляровых пазлаў-выяў усіх раёнаў вобласці трэба сабраць суцэльную геаграфічную карту паўночнага рэгіёна Беларусі. Зрабіць гэта не так проста, як уяўляецца. Для падказкі ўдзельнікам акцыі – сапраўдная карта Віцебшчыны на малюнку. Удзел у акцыі ўжо прынялі наведвальнікі Цэнтральнай бібліятэкі, работнікі арганізацый і ўстаноў горада: аддзела ідэалагічнай работы, культуры і па справах моладзі Браслаўскага райвыканкама, ТЦСАН і іншых.
У лютым пазл-акцыя “Мая Віцебшчыны” рушыць у “падарожжа” па бібліятэках сістэмы, каб у ёй мелі магчымасць прыняць удзел наведвальнікі сельскіх бібліятэк.
Прымайце ўдзел у акцыі, віншуйце сваю вобласць!