«Для вас, настаўнікі!» – пад такой назвай у сакавіку ў Дрысвяцкай бібліятэцы адбыўся дзень інфармацыі. Ён быў адрасаваны настаўнікам і выхавацелям Дрысвяцкай яслі-сад-базавай школы. Для іх бібліятэкар арганізавала кніжную выставу-прагляд «Літаратура ў дапамогу настаўніку», на якой былі прадстаўлены навінкі метадычнай і мастацкай літаратуры для дашкольнага, пачатковага выхавання і для сярэдніх і старэйшых класаў. У рамках дня інфармацыі была праведзена гадзіна-прапанова «Інфармацыйныя рэсурсы бібліятэкі ў дапамогу навучальнаму і выхаваўчаму працэсу».